SPDI - 3º Concurso público para a contratación de profesorado asociado (AS2503). Curso académico 2025-2026

submit

Presentación de solicitude ao proceso selectivo para a contratación de profesorado asociado para o curso académico 2025-2026.

Especialistas e profesionais de recoñecida competencia que se atopen na actualidade exercendo esa actividade profesional remunerada fóra do ámbito académico universitario, e acrediten unha experiencia profesional relacionada co perfil da praza de, como mínimo, tres anos ao longo dos últimos cinco.

En canto á formación esixida, deberán posuír, como mínimo, o nivel de titulación universitaria indicada na descrición da praza. Excepcionalmente, cando así se indique na descrición da praza, poderase esixir unha concreta titulación universitaria ou a acreditación dun nivel mínimo de coñecemento dunha determinada lingua.

 a) EN SECRETARÍA VIRTUAL:

 1. Realizar a inscrición no enlace que corresponda:

·    Para persoas que xa teñan usuario de Secretaría Virtual:      
 https://secretaria.uvigo.gal/uvigo.sv/index.php?modulo=index

·     Para persoas externas, sen usuario de Secretaría Virtual:     
https://matricula.uvigo.eres/loginX/login.asp

 2. Aboe as taxas, no caso de que non lle corresponda ningunha das modalidades de exención.

b) EN SEDE ELECTRÓNICA:

 1. Pulsar, nesta páxina, o botón Iniciar tramitación visible na marxe superior ou inferior dereito da pantalla.

2. No punto documentación achegar os PDF ́S cos arquivos indicados no punto de "documentación requirida”.

 3. Pulsar o botón Enviar Solicitude.

4. Pulsar o recadro «Si» da venda de Confirmación de datos para finalizar o trámite de solicitude.

 5. Se desexa descargar o xustificante de rexistro e comprobar a documentación achegada pulse a pestana Expedientes situada na segunda posición da marxe dereito da súa pantalla.

.

• Formulario de inscrición.
• Documentación identificativa (DNI, NIE, Pasaporte).
• Copia simple do título universitario
• De ser o caso, copia dos documentos que acrediten os requisitos específicos esixidos.
• Declaración xurada relativa á experiencia profesional.
• De ser o caso, xustificante que acredite exención ou bonificación de pagamento de taxas.
• Currículum vitae normalizado completo, empregando o modelo da FECYT.
• Xustificación dos méritos alegados

ÓRGANO ENCARGADO DE TRAMITACIÓN  

Servizo de Personal Docente Investigador

Teléfonos 986 813765 – 986 813421

Correo electrónico: consultapdi@uvigo.gal

PRAZO DE PRESENTACIÓN

Dez días hábiles contados desde o seguinte ao da publicación do anuncio no DOG

NORMATIVA APLICABLE

·         Normativa para contratar profesorado asociado na Universidade de Vigo (Consello de Goberno de 25 de xuño de 2025)

·         II Convenio colectivo para o persoal docente e investigador das universidades da Coruña, Santiago de Compostela e Vigo (modificación de adaptación á LOSU)

·         Decreto 266/2002, de 6 de setembro, sobre contratación de profesorado universitario.

·         Lei Orgánica 2/2023, de 22 de marzo, do Sistema Universitario.

·         Decreto 13/2019, de 24 de xaneiro, polo que se aproban os estatutos da Universidade de Vigo.

·         Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público.

·         Lei 39/2015, de 1 de outubro, do Procedemento Administrativo Común das Administracións Públicas.

·         Lei 40/2015, de 1 de outubro, de Réxime Xurídico do Sector Público.

·         Demais normativa que resulte de aplicación.

FORMULARIOS RELACIONADOS

Formulario de inscripción

Para elaborar o CVN - FECYT

OBSERVACIÓNS

Recoméndase a todas as persoas interesadas ler atentamente as bases completas do concurso, a presente información non ten valor xurídico