VAL - Instancia Valedoría Universitaria (Estudantes)

Calquera membro da comunidade universitaria que considere que se lesionaron os seus dereitos ou intereses lexítimos pola actuación dos órganos de goberno, autoridades académicas ou servizos administrativos da Universidade de Vigo, poderá acudir á Valedora universitaria e solicitar a súa intervención unha vez que se esgotaron as instancias universitarias previstas na lexislación vixente.

Nas queixas ou reclamacións deberán concretarse con suficiente claridade:

a.  os feitos que orixinan a queixa

b.  o motivo e alcance da pretensión que se expón

c.  as xestións realizadas previamente ante a administración universitaria

d.  a petición que se dirixe á Valedora universitaria

Recibida a queixa ou reclamación, nun prazo máximo de 15 días, a Valedora universitaria xustificará o seu recibimento e emitirá contestación motivada respecto de se procede ou non a súa admisión a trámite. En caso de non admisión a trámite, comunicaráselle á persoa interesada a motivación que fundamentou a mesma.