headerheader-400header-800
Volver

SPDI - 1º Concurso público para a contratación de profesorado axudante doutor. Curso académico 2020-2021

Concurso público para cubrir necesidades docentes mediante a contratación en réxime laboral de profesorado axudante doutor.

Os requisitos de participación son os establecidos na base primeira da convocatoria, https://secretaria.uvigo.gal/uv/web/convocatoria/public/index, seleccionando, “emprego” e logo “concursos de profesorado”.

O contrato realizarase con doutores. A contratación exixirá a avaliación previa positiva da súa actividade por parte da Axencia para a Calidade do Sistema Universitario de Galicia (ACSUG), da Axencia Nacional de Avaliación da Calidade e Acreditación (ANECA).

A finalidade do contrato será a de desenvolver tarefas docentes e de investigación.

O contrato de profesor axudante doutor será de carácter temporal e con dedicación a tempo completo.

O tempo total de duración conxunta dos contratos de axudante e de profesor axudante doutor na mesma ou en distinta universidade, non poderá exceder os oito anos.

A solicitude de participación farase cumprimentando o formulario integrado na aplicación web  da Universidade de Vigo, seguindo o correspondente proceso de inscrición. Enlace:

Persoal propio da Universidade

https://secretaria.uvigo.gal/uvigo.sv/index.php?modulo=index

Persoal externo

https://matricula.uvigo.es/loginX/login.asp

Unha vez cumprimentada e validada a solicitude a través da aplicación web, a mesma deberá ser asinada e presentada, xunto coa documentación correspondente, na sede electrónica da Universidade de Vigo (https://sede.uvigo.gal) a través da Instancia Xenérica (SXER). O número máximo de documentos que se poden adxuntar coa instancia xenérica é de catro, e o tamaño máximo de todo o conxunto de documentos é de 35 MB.

Guía de presentación de solicitudes

Xunto coa solicitude de participación achegarase, en formato PDF, a seguinte documentación:

a)            Curriculum vitae: CV detallado de acordo co modelo oficial que figura no anexo III, en formato PDF, o cal será refrendado coa sinatura electrónica da persoa concursante. Non serán valorados méritos que non estean detallados en dito modelo de curriculum vitae ou ben non se xustifiquen documentalmente. O arquivo deberá nomearse como Curriculo_DNI_CodPraza.pdf

b)           Méritos: Os documentos e publicacións que acrediten todos os méritos alegados, incluído o coñecemento da lingua galega. Todos estes documentos deberán incluírse nun único arquivo en formato PDF, seguindo a paxinación indicada no curriculum vitae e que se xerará segundo o establecido no anexo V. O arquivo deberá nomearse como Xustifica_DNI _CodPraza.pdf

c)            Proxecto docente: O proxecto docente en formato PDF e cunha extensión máxima de 15 páxinas, que versará sobre a materia indicada pola comisión específica de área nos criterios específicos (anexo IV). Se non foi indicada, o proxecto versará sobre unha das materias que aparecen no perfil da praza no anexo II. O arquivo deberá nomearse como Proxecto_DNI _CodPraza.pdf.

d)           Exención de taxas: Xustificante, no seu caso, da exención parcial ou total de taxas.

ÓRGANO ENCARGADO DE TRAMITACIÓN

 Servizo de Persoal Docente Investigador correo electrónico: consultapdi@uvigo.es.

Teléfonos 986 813765 – 986 813421

PRAZO DE PRESENTACIÓN DE SOLICITUDES

Dez días hábiles contados dende o día seguinte ao da publicación do anuncio da convocatoria no Diario Oficial de Galicia.

NORMATIVA APLICABLE

O concurso rexerase polas bases da convocatoria, polo disposto na Lei orgánica 6/2001, do 21 de decembro, de Universidades, polo Decreto 266/2002, do 6 de setembro, da Xunta de Galicia sobre contratación de profesorado universitario, polo II Convenio Colectivo para o persoal docente e investigador das universidades da Coruña, Santiago de Compostela e Vigo, polos Estatutos da Universidade de Vigo, e polo acordo do Consello de Goberno do 10 de maio de 2011 (modificado por acordo do 21 e 22 de marzo de 2013).

FORMULARIOS RELACIONADOS

Persoal propio da Universidade

https://secretaria.uvigo.gal/uvigo.sv/index.php?modulo=index

Persoal externo

https://matricula.uvigo.es/loginX/login.asp

OBSERVACIÓNS

Recoméndase a todas as persoas interesadas ler atentamente as bases completas do concurso, a presente información non ten valor xurídico.


Dende : 16/07/2020

Ata : 29/07/2020


Volver