SGRA - Probas de aptitude para o acceso ao Grao en Ciencias da Actividade Física e do Deporte para o curso académico 2023-2024

Tramitable Dende 15/03/2023 - Ata 11/04/2023

Descrición

Dirixido a

Calquera persoa interesada tendo en conta que, para optar a unha praza das ofertadas para iniciar os estudos de grao, haberá que estar en condicións de acceder á universidade.

Como facelo

As solicitudes presentaranse exclusivamente por medios electrónicos na sede electrónica da Universidade de Vigo.

Para identificarse na sede débese estar en posesión dalgún dos seguintes sistemas de identificación:

DNI electrónico (medio de identificación para os menores de 18 anos)
Certificado dixital
Cl@ve PIN
Cl@ve Permanente

Admitirase, para os menores de 18 anos exclusivamente, a presentación por representante legal (pai, nai, persoa titora legal). Neste caso é preciso indicar na solicitude o nome completo e nº de DNI ou documento equivalente da persoa a quen se representa.

Documentación requirida

As persoas que na súa solicitude se opuxesen á consulta de datos pola universidade, ademais de iniciar a correspondente tramitación no procedemento de exercicio dereitos sobre protección de datos, deberán aportar, no seu caso:

· Copia do documento nacional de identidade ou equivalente

· Orixinal electrónico ou copia do certificado de condición legal con discapacidade

· Orixinal electrónico ou copia do título de familia numerosa

· Orixinal electrónico ou copia da acreditación de vítima de terrorismo e violencia de xénero

· Documento acreditativo sobre a condición de persoal da Uvigo ou persoa beneficiaria